Policia e Kosovës njofton se për shkak të garave çiklistike të organizuara nga Federata e Çiklizmit e Kosovës, më 20 dhe 21 qershor 2025 do të ketë bllokim të përkohshëm të qarkullimit për automjete në disa segmente të autostradave dhe rrugëve kombëtare në vend.

Garat, të cilat janë pjesë e Kampionatit të Kosovës në Çiklizëm, do të zhvillohen në këto orare dhe segmente rrugore:

Më 20 qershor 2025, nga ora 10:00 deri 14:00, do të bllokohet për qarkullim segmenti i autostradës “Arbër Xhaferi” nga hyrja/dalja Lipjan deri te hyrja/dalja Bibaj, në drejtimin Prishtinë – Hani i Elezit.

Më 21 qershor 2025, nga ora 09:00 deri 16:00, gara do të zhvillohet në relacionin:

Autostrada “Arbër Xhaferi” – hyrja/dalja Bibaj – Babush – Lipjan – Prishtinë (Uglar) – Bresje – Rruga nacionale N9 deri në Gjergjicë – Autostrada “Ibrahim Rugova” – Malishevë – Duhel dhe anasjelltas.

Policia e Kosovës do të jetë e pranishme në terren për të zbatuar masat dhe veprimet e nevojshme për siguri rrugore gjatë garave. Autoritetet u bëjnë thirrje të gjithë pjesëmarrësve në trafik që të tregojnë mirëkuptim dhe, nëse është e mundur, të shfrytëzojnë rrugë alternative për të shmangur pritjet dhe vonesat.